396831.jpg

Motocross mobalik sa San Remigio

[ad_1]

Mobalik na sa Brgy. Calambua, lungsod sa San Remigio, Cebu ang kulbahinam ug makapaukyab nga aksyon sa motocross karong Sabado, Nobiyembre 26, 2022 sa MS Motosuit Motorsports Park.

Nagkanayon si San Remigio Councilor Lou Ornopia, kinsa maoy giilang amahan sa Cebu motocross, nga ang kompetisyon tipik sa kasaulogan sa ika-151 nga founding anniversary sa ilang lungsod.

Asoy ni Ornopia nga nakadesisyon siyang mopahigayon pagbalik og motocross event gumikan sa iyang gugma ning maong natad sa paugnat sa kusog ug hangyo sa ilang mga lumolupyo.

“Mapahimuslan sab ni ang atong race track nga usa sa labing nindot dinhi sa Visayas,” dugang ni Ornopia, kinsa kanhi “Sportsman of the Year” awardee sa Sportswriters Association of Cebu (SAC).

Sulod sa 23 ka mga tuig nga nagpasiugda si Ornopia og motocross events sa Calambua kaniadto apan nahunong lang kini tungod sa pandemya.

“Karon nga normal na ang sitwasyon, regular na ni natong himuon labi na kay ibalik man nato ang atong motocross series next year,” pasabot ni Ornopia.

Mapasalamaton si Ornopia sa local government sa San Remigio nga gipangulohan ni Mayor Al Pestolante gumikan sa suportang gihatag niini sa iyang gipasiugdahang lumba.

Tinguha ni Ornopia nga mahimong “motocross capital” sa Sugbo ang ilahang lungsod.

Gawas niini, tuyo ug tumong sab ni Ornopia nga magamit ang motocross sa pagpalambo sa turismo sa San Remigio aron makahatag og dugang panginabuhian sa ilang mga lumolupyo. (ESL)

Disclaimer

SunStar website welcomes friendly debate, but comments posted on this site do not
necessarily reflect the views of the SunStar management and its affiliates. SunStar reserves the right to
delete, reproduce, or modify comments posted here without notice. Posts that are inappropriate will
automatically be deleted.

Forum Rules

Do not use obscenity. Some words have been banned. Stick to the topic. Do not veer away from the
discussion. Be coherent. Do not shout or use CAPITAL LETTERS!



[ad_2]
Source link

Tags: No tags

Add a Comment

Your email address will not be published. Required fields are marked *